गतिविधिहरु

PEARLS अनुगमन प्रणाली तालिम

मार्च 4, 2021

नेपाल बचत तथा ऋण केन्द्रीय सहकारी संघ लि. (नेफ्स्कून) पोखरा फिल्ड कार्यलयको आयोजनामा म्याग्दीको बेनी बजारमा ३ दिने PEARLS अनुगमन प्रणाली तालिम सम्पन्न भएको छ । पुस ९ गतेदेखि ११ गतेसम्म सञ्चालित तालिममा १५ वटा बचत तथा ऋण सहकारी संस्थाबाट सन्चालक समिति, लेखा समिति, व्यवस्थापक र अन्य कर्मचारी गरी २८ जना सहभागी हुनुहुन्थ्यो ।\ तालिम समापन समारोहमा नेफ्स्कून सञ्चालक चण्डी प्रसाद शर्मा पौडेलले सहकारीको सुशासन व्यवस्थापनका लागि PEARLS तालिम सहयोगी सिद्ध हुने बताउनुभयो । उहाँले तालिम कार्यक्रहरुले संस्था सञ्चालक समिति उपसमितिमा रहेकाहरुको ज्ञान, सीप र धारणा विकास गर्न सहयोग गर्ने उल्लेख गर्नुभयो । पश्चिम नेपाल साकोसका सचिव हरि पौडेल अतिथि रहुनभएको कार्यक्रमको अध्यक्षता नेफ्स्कून पोखरा फिल्ड कार्यलय व्यवस्थापन उपसमिति सदस्य रामजी सुवेदीले गर्नुभएको थियो । तालिम सहजिकरण नेफ्स्कूनका बरिष्ठ अधिकृत भरत प्रसाद न्यौपानेले गर्नुभएको थियो ।